Kategese (Familiebediening)

Ons Familiebediening is ons KaalvoetKids (0 – 12 jariges) en ons Revolusie (13 – 16 jariges) wat vir die kinders hul eie ruimte gee om geloof te vorm en te groei saam met hul ouers. Die Familiebediening rus op 4 sg. Pote: Aanbidding, Kennis, Verhoudings&Diens.  

  • Aanbidding gaan oor die aanleer om God te aanbid, 
  • Kennis oor die aanleer van Bybelkennis en om God te leer ken, 
  • Verhoudings oor die bou van verhoudings onder mekaar en 
  • Diens oor die geleentheid om in ons gemeente en gemeenskap te dien.

Die Familiebediening wil ook graag ouers bemagtig en toerus om saam met ons as vennote geloof te help vorm en groei by hul kinders met toerustingsgeleenthede en weeklikse leiding deur  “Om die tafel”-gesprekke in ons aankondiginge en ‘n Geselsblad spesiaal vir gesinne.

Vir meer inligting og om betrokke te raak kontak gerus vir Nico.

Die KaalvoetKids is ons Kinderbediening van Paarlberg en loop SAAM met ons erediens in die oggend vir ons Voorskool tot Gr 6 maats.
Die KaalvoetKids kom saam kerkgebou toe waartydens hul iewers tydens die diens na die saal sal beweeg vir ‘n kort diensie met ‘n boodskap op hulle vlak, saamsing en musiek.


Daarna verdeel ons in 3 groepe waar ons ‘n lessie doen en iets moois maak.

Die 3 groepe is tans:

  • Voorskool – Gr R (in die saal)
  • Gr 1 – 3 (in die saal)
  • Gr 4 – 6 (in die kleinsaal by die kantoorblok)

Ouers is welkom om saam met hul kinders te kom en terwyl hulle wag ‘n koppie koffie/tee te geniet.

Revolusie is ons Gr 7 – 10 Tienerbediening van Paarlberg en kom op Sondagaande bymekaar tussen 17h00 en 19h00.

Hoe werk dit?

  • Ons sluit ons saal om 17h00 oop vir tieners om te kom musiek luister, tafeltennis, volleyball of pool te speel of net lekker te sit en te gesels tot 17h30.
  • 17h30 beweeg ons na ons graadgroepe waar ons geloofsgesprekke het
  • om 18h00 beweeg ons kerk toe vir ‘ons eie “diens” met ‘n vieringsmoment, ysbreker, Praise and Worship, ‘n boodskap tot 18h30. 
  • Van 18h30 kuier en speel ons weer lekker saam tot 19h00.

Ons tieners is ook almal deel van ons “Liefde”-squad waar hul leer om by sekere take van die bediening betrokke te raak en leiding daar vat.

Hoogtepunte op ons jaarlikse kalender is die Imagine-saamtrek op Bredasdorp, ons Staptoer saam met Paarl Jeug Inisiatief en ons Revolusiekamp.

Kwartaalliks het ons ook ten minste een Diensaksie en ‘n lekker Kuieraand waar ons braai en pret het.

Belydenisaflegging

Belydenisaflegging vir ons Gr 11’s vind in dieselfde jaar as hulle finalejaar kategese plaas (begin November; sien asb die kerkprogram vir die datum). 
 
Die groepleiers van ons finale-jaars sal betyds aan hulle kommunikeer wat van hulle verwag word om te kwalifiseer vir hierdie geleentheid en wat die betrokke sperdatums is.  In kort kom die op die volgende neer:
 
  • Jy sal jou geloofstorie moet skryf volgens ‘n gegewe riglyn en moet inhandig.
  • Ons as groep gaan altyd middel Oktober op ‘n mini “pelgrimstog”.
  • Indien dit nie vir jou moontlik is om saam te gaan nie, sal jou groepleier jou nooi vir ‘n persoonlike gesprek voor die datum van belydenisaflegging.
Die belydenisafleggings-geleentheid word as ‘n spesiale aanddiens ingerig wat om 18:00 begin. Daar word egter van al ons voornemende belydende lidmate verwag om reeds 17:00 daar te wees vir die deurgee van die reëlings.
 
Dit is egter belangrik om te sê dat hierdie nie die enigste geleentheid is om belydenis af te lê nie.  Spesiale reëlings kan getref word.
 
Indien jy nie deel is of was van ons kategese nie en wel ‘n belydende lidmaat van ons gemeente (en die NGK) wil word, kontak asb een van die leraars.
css.php